Kylli u Dr Mukul balei pyrshah tang ka KSU ia ka lyntirel ha Byrnihat

Shillong, Jylliew 03: U myntri rangbah ka jylla u Dr Mukul Sangma mynta ka sngi u la buh ka jingkylli ba balei tang ka KSU kaba pyrshah ia ka lynti rel ha Byrnihat. Haba kren ha ki nongthoh khubor ha dien ka jingialang jong ka MPCC kaba la long ha Congress Bhavan u Dr Mukul u la ong, “kaba pynlyngoh ia nga ka long ba balei tang kawei ka kynhun kaba pyrshah” U la pynkynmaw ba ki don haduh 13 tylli ki seng kiba dawa ia ka ILP ha kaba kila ia kynduh bun sien ia ka sorkar jylla ban ia kren ia ki jaka rung bad ki jaka mih kaba long kawei na ki shibynta ban teh la kam ia ka jingwan rung ki myntder sha kane ka jylla. U Dr Mukul u la kam ba kane ka sorkar hapoh ka jingialam ka jong kala shim bun ki lad ki lynti ban ia leh kumno ban ia da na ka jingwan rung kyrthep kibriew kiba na bar bad ka sorkar kala wan rah ia ki bill hapoh iing dorbar ha kaba la lah ban pyn long ain ruh ia ka. La ong ba ki sorkar ha ki por kiba la leit noh ba kin shim khia ia kane ka kam, ka long u Dr Mukul. La ong ba kiba bun ki ain kiba la pass ha poh ka iing dorbar thaw ain ha kane ka por jong u kum u myntri rangbah kane kala kren shai ia ka jingkut jingmut jong ka sorkar kumba la kular. U la kdew ba ha u snem ba la dep ka sorkar kala wanrah ia ka bill ka Meghalaya Residents Safety and Security Act, 2016 and Meghalaya Benami Transaction Prohibition (Amendment) Bill, 2016. Ha kaba ka iing dorbar kala pass ia ka bad mynta kala long ka ain. Kane kam dei tang ka jingkam hynrei ka urlong u la ong. Haba ia dei bad ka jingbuh ia ki jaka rung bad jaka mih jong ki briew, ka jingslem kam dei ba ki leh khnang hynrei ki don ki kyndon kaba ki hap ban but, hynrei kane kam dei ba ka sorkar kam leh, ka sorkar ka la leh ia kaba dei ban leh. U la ong ba ia kane ka kam u la peit hi da lade ba kan iaid beit ka kam. Ka jingpyrshah ia ka lynti rel kam dei kaba thymmai namar kum kane ka jingpyrshah ruh la jia ha ri lum Garo ha kip or ba la leit noh. Hynrei ka jingdon jong ka lynti rel ha Garo Hills kala wanrah ia shibun ki jngkylla ha ka roi ka par bad ka ioh ka kot. Ka sorkar kala shim khia ia kaei kaba dei ban leh ban khanglad na ka jingwan kyrthelep jong ki briew. Ha ka taiew kaba la dep ka KSU kala pynlong ia ka jingpyrshah ka jong ki ia ka lynti rel kaba wan na Tetelia-Byrnihat ha  Ronghona kaba hap hapoh Byrnihat ha khappud jong ka jylla  Assam bad Meghalaya, ha kaba kane ka jingpyrshah kala wanrah ia ka jingklumar. Katba na kaliang jong ka KSU ka kwah ban don shuwa ki lad jingiada shuwa ban don ka lynti rel.