Shillong, Jymmang 22: Ka seng Meghalaya IAS Officers Association (MIASOA) ha ka jingialang kaba la long mynta ka sngi kila pynpaw ia ka jingsngew kyndik ka jong ki halor ka rai jong ka iing bishar jong ka CBI ha kaba ia dei bad u K S Kropha Chief Secretary jong ka jylla.
Na ka liang jong ki IAS ophisar jong ka jylla Meghalaya kim sngew lah ban ngeit ba u Chief Secretary ka jylla um shah rai pynrem ha ka iing bishar jong ka CBI ha ka por ba u bat ia ka kam kum u Joint Secretary jong ka sorkar pdeng hapoh ka tnad ba dei peit ia ka kam dewiong.
Ha kane ka jingialang na ka liang jong ki ophisar kila pynpaw ba kin ai ka jingkyrshan ia u KS Kropha bad ia ka iing ka sem jong u ha kane ka jingeh ba ki ia tyngkhuh. La ong ba une u IAS officer u ba la shakri ia ka kam 35 snem khlem jingthoh dak ha ki kyrdan bapher bapher. Kila rai ba kin sa ia kren ia kane ka kam bad ka seng kmie jong ki ia kaba la tip kum ka “Central IAS Officers Association, New Delhi”
Na ka liang jong ki IAS ophisar ki don ka jingkyrmen ba ka hok kan sa ieng rasong bad ki don ka jingkyrmen ba u KS Kropha un sa lait na kane ka jingshah shah kynnoh baroh.
