Shillong, Naitung 23: Ka seng Mother Union na Dalu Unit jong ka West Garo kila phah da ka jingthoh sha u myntri rangbah ka jylla u Dr Mukul Sangma ha kaba kila ong ba ki paidbah jong ka thain Dalu kila shem jingeh ha kaba ia dei bad ka light namar ka jingbym biang jong ka Sub-Station kaba don ha katei ka jaka.
Ka jingeh jong ki paidbah ha kaba ia dei bad ka jingioh ia ka light namar ba wat la kila dep ban siew ia ka pisa ruh kim ioh light thikna namar ba kane ka sub station jong ka MeECL kaba don ha kane ka jaka kam shym la trei kam katkum ki kyndon ba la buh da ka sorkar.
Ka ne ka sub sation kam don ia kit air ban maramot lada jia ba ka don ka jingthut, la kynnoh ruh ba ki briew kim juh wan trei ha ka rukom kaba dei bun kiba pep bad kane ka pynlong ia ki nongtrei namar ba kane ka sub station kaba dei ban peit ia ki kam kijam kam don kali ha kaba ki nongtrei ki lah ban iaid ban ieng ha kaba kidon kam.
Ha ka juh ka por kane ka Mother Union kala kyrpad ruh ia u myntri rangbah ba u dei ban ker kynroh noh ia ka police station kaba don ha Barengapara na ka bynta ka jingshngian jong ki pulit bad la kyrpad ba dei ban don noh ia ka shnat jong ki pulit kynthei hapoh jong kane ka Dalu Police station.
