Nongstoin, Naitung 13: Ka Hynniewtrep People Social Organisation Rambrai Circle West Khasi Hills Distirct ka sngewkhia halor ka jingiakynduh jingeh ki nongtrei PHC Rambrai kumjuh ha PHC naduh ba mih noh I Dr.Basaiamoit kum u Dr incharge, hangtei mynta don satang iwei I Dr ban peit ia katei ka PHC ryngkat ki nongtrei jong katei ka PHC, ngi kum ka seng ngi iohi ba ka khiabha ia I Dr kumjuh ia ki nongtrei ban ai jingshakri na ka bynta u Paidbah jong ka thain.
Ha ka jingshisha kane ka PHC mynta kala nangkiew na ka por sha ka por naduh u snem 2011 ha shwa kane lei lei katei ka PHC ka treikam bha tang ha ki sngi iew katkum ka jingtip jong ka seng kumta na ka liang ka seng ka sngew ban ai khublei ia ki nongtrei hangtei ba ki la trei shitom na ka bynta u paidbah mynta. Kumta na ka liang ka seng ka dawa na ka sorkar ki bor ba halor ba kin pynbiang ban ai sa uwei u Dr khnang ba katei ka PHC kan nanglah ban ai ia ka jingshakri kaba kham janai ia u paidbah.
Na ka liang ka seng ka dawa ruh ban pynbiang nurse biang sa iwei ha Sub Centre Mawlieh kumba long mynta don tang iwei ha shwa ia kane don 2 (ar) ngut, te kane ka khia bha bad ka ktah ia u paidbah pynkut ka kyrwoh na u P.Mawlieh President jong katei ka seng Ka Hynniewtrep People Social Organisation Rambrai Circle.(SP News)
