Jowai, Nailar 17: ka Jaintia Students’ Union (JSU) Sengkmie kum shi bynta ban bud dien iaka jingdawa naka JHADC ban ai noh hi iaka Non emcumbrance Certificate sha ki paidbah, hynnien ka 16 tarik ki jingialam jongka Union kila iakynduh ia u Dy. CEM ka JHADC u A.A Shullai hapoh ka kamra treikam jongu.
Ha kane ka jingia kynduh, na ka liang u Dy. CEM u la kren pyntikna sha ki nongialam jongka Union ba ka EC jongka JHADC kala dep iashong pyrkhat halor kane naduh kine ki khyndiat bnai bala dep ha kaba ka EC ka la rai ruh ban pyntreikam ia kane kumba la dawa daka JSU.
Ha ka juh ka por na ka liang jong u Dy CEM u la ong ruh ba kaba sah mynta ka long satang ka bynta jong ka Law Department jong ka JHADC ban pynjanai shuh shuh ia kane ka rukom ai ia kane ka Certificate, bad mar syn dep naka Law Dept kane ka jingai ia kane ka Certificate da ka Council kan treikam noh.
shuh shuh u Dy CEM u la bynrap ruh ba ka council (JHADC) ka dei kaba don hok ban ai ia kane ka Certificate sha ki Paitbah kiba donkam naka bynta ban shim ram na ki Bank da kaba pynshah iaka khyndew jongk, i namar dei ka Council kaba peit iaka ka khyndew ka Shyiap katkum ka riti synshar 6th Scheduled jongka riti synshar ka ri India.
Halor kane ka bynta, na ka liang ka JSU ka kyrpat iaka JHADC bad khamtam eh iaka EC hapoh ka jingialam u ma Thombor shiwat kum u CEM ban pynkloi ia kane ka kam khnang ba ki paidbah kim ym ia kynduh jingeh shuh ha kaban ioh ia kane ka Non Encumbrance Certificate kumba la long ha kine ki por bala dep ha kaba ki hap ban sew iaka dor kaba heh hapoh ka Registrar Dept jongka DC ophis ban ioh register iaka khyndew jongki khnang ban ioh ia kane ka Certificate. pynkut ka kyrwoh khubor naka jsu.
