Shillong, Nailur 15: Ka KHNAM State Youth wing mynne ka sngi ka la leit ban ia kynduh ia u EM ka labour bah Donkupar Sumer ban pynsngew ka jingsngew khia halor ka jingbym don labour licence ki bar jylla ki ba niah kali local bad kali tourist.
Ka seng ha ka jing leit jngoh halor kane ka la lap ba kine nongniah kali bar jylla bad wat ki trai kali bar jylla ruh kim don ia ki kot ki sla ki ba dei ban don na ka dist council. Kane ka lah ban ktah juh bad kyntiew ia ka jingrung kyrthep ki mynder lymba kane ka kam, bad ruh ka ktah jur ia ka pla pisa jong ka council.
ka seng ka la kyntu ia u EM incharge ban pyrkhat bha halor kane kaba lah ban buh ha ka jingma ia ki trai ri trai muluk. Naka liang jong u EM u la kular ba shen yn leh eiei halor kane. Ka seng ka kyntu ruh ia ki seng niah kali trai kali bapher bapher ba ia treilang bad ka KHADC halor kane ban shongsngain ka imlang sahlang.
