Shillong, Rymphang 6: U Bah John Phrangsngi Suiemiong u secretary barim ka shnong Umiam u la ong ba u la dep ban ujor sha KHADC halor ka jingioh rung kyrteng ki ar ngut ki bym dei ki khasi ban jied rangbah shnong bad kane ka jingujor la dang sah teng haduh mynta.
Haba kren ha ki lat pathai khubor ha kine ki khyndait sngi u bah Syiemiong la ong ba kane ka jingioh jied rangbah shnong jong ki ar ngut ki bar jylla ha Umiam ka long pyrshah ia ka ain jong ka Hima Mylliem kaba la kren shai ba dei tang ki shynrang khasi kiba lah ban jied rangbah shnong.
Haba ia dei bad kane ka jingjia la ong ba u ladep ban ujor sha KHADC bad na ka liang jong ka KHADC haduh mynta kam pat leh ei ei ba pynbeit ia kane, u tei u rangbah u la ong ba un nym shong klit kti ha kaba ia dei bad kane ka jingjia hapoh katei ka shnong.
Ha ka juh ka por la kynnoh na na ka liang jong u rangbah shnong u la leh don bor ha kaba pyniaid ia ki kam shnong kam thaw da kaba thung ia ki nongkit kam khlem da khot ia ka dorbar shnong kane ka jingleh ka long pyrshah ia ka jingpyniaid shnong.
Haba ia dei bad ka jingptrei ia ka skhim sam um JJM la ong ba u dang dei u secretary namar katba pat dep ki jingtrei yn nym lah ban weng ia u Secretary jong ka skhim um hapoh ka shnong kane ka dei kaba la soit bad ka tnad sam um ka jylla.
