Shillong, Nailar 29: Ka seng Hynniewtrep Achik National Movement (HANM) jong ka “Women wing” ka daw an ka sorkar ba dei ban pynshitom tyngeh ia u Ronald Wahlang u ba la shah kynnoh ba u la leh ia ki kam batbor ia ki ar ngut ki khynnah skul da kaba pyndih kyiad kynnoh katei ka seng.
Haba kren ha ki nongthoh khubor ka kong Bety Jyrwa kaba dei ka president jong ka Women wing bad ka kong A Rapsang kum ka nongai khubor jong ka seng, ki la ong ba ha ka 25 tarik mynta u bnai kane ka jingshah leh beijot kala jia. Kane ka long katkum ka jingong kine ki nongialam jong kane ka HANM ba u tei u nongleh kam sniew u dei u ba niah Local Taxi.
La kynnoh ba ha ka 25 tarik mynta u bnai la rah bor ia kine ki ar ngut ki khynnah skul na jaka ieng Taxi bad kit ia ki sha jan Kharsti Park ha Ri Bhoi District, la kynnoh kine ki nongialam jong ka HANM, bad ki la ong ba une u nongniah ia kane ka taxi u la pyndih kyiad ia ki bad leh ia kane ka kam sniew ong ka kong Jyrwa.
Ha dien ba la ldep leh ia kane ka kam sniew, ha ka sngi ba but u la leit ban buh ia ki sha jan khlaw jong ka NEHU. Na ka liang jong ki pulit kila dep ban kem ia une u nongleh kam sniew, hyrei kum ka seng ka dawa ba ki bor jong ka ain ki dei ban leh tyngeh ia kum kine ki jaidbriew bad na ka liang jong ki kmie ki kpa jong kitei ki khynnah kila dep ban ai FIR pyrshah ia u Bah Wahlang, ong kine ki nongialam ka HANM.
