Shillong, Nailar 15: U General Secretary jong ka seng HNLC u Bah Cheris Thangkhiew ha ka kyrwoh kaba u la phah sha ki lad pathai khubor u la kynnoh ba dei ka sorkar jylla kaba la khang ia ka jingkhang ban ia kren ia suk’.
U Bah Thangkhiew u la ong ha ka kyrwoh ha kaba ia dei bad ka jingplie lad jong ka HNLC ia ka sorkar jylla kumjuh ia ka sorkar India na ka bynta ka jingkloi jong ka HNLC ban poi sha ka miej jong ka jingiakren kaba phylla mar khongpong pynban ki bor sorkar ki khang tala ia ki jingkhang ba la plie lad da ka HNLC bad kane hi ka jingleh ka jong ki bor sorkar la pyni nongmuna ba ka sorkar ka kwah ban ia kren bad ka HNLC da ka thma.
Kyntang iawai,ha kaba ia dei bad kane ka sngi kyrpang ka HNLC ka shim ruh ia kane ka kabu ksiar ha kaba ka seng ka la rai bad pynbna paidbah ba nangne shakhmat ka seng kan rakhie kyrpang ruh ia “Ka Sngi ki Riewialeh”
Kane ka kyrwoh kaba la phah da u Genenral Secretary jong ka seng lyngba jong u publicity Secretary u Bah Sainkupar Nongtraw, ka long halor ka jingdap jong kane ka seng lehnoh 29 snem naduh ba la seng ia kaba ka sorkar kala niew ia ka kum ka seng beain.
La ong ban Nongialam paidbah ym don lynti da kumwei pat ha kaba hap ban tur beit ban ia takhuh bad ki jingtynjuh tangba, ban long ki nongshakri paidbah ym dei ban long kiba sngewsarong, kwah burom palat bad khwan myntoi palat tang ialade hi.
Ha kaba ia dei bad ka jingialeh jong ka HNLC ka seng ka ngeit skhem ba ka Ri bad ki Paidbah ki dei ban ia iaid ryngkat naba ka Ri khlem u paidbah ruh kam don jingmut bad ki paidbah ruh kin ym lah ban im khlem ka Ri. Te kumta ki paidbah kiba im khlem ka Ri ruh kita ki jaitbynriew ki dei ki ban iapduh. Kane ka kyrwoh ka dei kaba la pah da u publicity secretary u Bah Sainkupar Nongtraw ha ka kyrteng jong u general secretary u Bah C.Thangkhiew. General Secy, HNLC.
