Shillong, Lber 07: Ka sngi ba kyrpang jong ki long kmie lane kata ka Women’s Day, na ka por sha ka por la rakhie ia kane ka sngi ban pynkhambor ia ki long kmie lane “empowerment of women”. Ka sorkarJylla ka la buh ki Music night, ki jingle leh kmen bapher bapher haka 08 tarik mynta u bnai ha madan polo ban rakhie ia kane ka sngi kyrpang ki long kmie. Ki snem ba la leit ki la kdew shai ba “ki long kmie jong ki shah pynkhambor ne ki shah batbor”.Kam myntoi ka jingpyn don burom ba shi sngi.
Kat kane ka jingshah ban bor ki long kmie ki khyllung ki khynnah ha boroh ki liang, bad ym tip ba kane ka dorbar kaba dang iaid mynta kan wanrah ne em ki lad ki lynti ban shyngain ia ki long kmie. Ka sorkar jylla ka la pynbun tang da ki festival ha ka jylla kum ki bear fest, lantern fest, Cherry Blossom Fest bad ki fest kiba lai phew jait la sngew dei ba kane ka sorkar ka iaid daki festival ym da ki policy.
Ka seng ka sngewdei ban pynrem jur ia kane ka sorkar ha kum kane ka sngi halor ka jingbym lah jong ka ban pynthikna ba ki long kmie bad ki khyllung kynnah kin shngain ha baroh ki liang. Ki nongmih khmat sha ka dorbar thawain jong ka jylla baroh 60 ngut ki dei ban pyni da ka kam ym shuh ban shu thiang tang ka ktien.
Ha ka juk internet mynta la lap bun ki kynthei ki long kmie jong ki shah thad lymba ki kor internet bad kane ka long pyrshah ia ka IT Act 2000. Kane ka sngi kam dei ka sngi ban leh kmen hynrei ka sngi ban pynrem bad ban puson. Ka seng ym ba ka ai khublei kyrpang hynrei ka kit bok kyrpang ia ki long kmie ba kin lait na ki jingeh bad ki jingshah thombor, bad kyrmen ba shisien ka sngi ki long kmie kin ioh ia ka jingpyn khambor kaba shi sha kaba npynshngain ka iaid ka ieng ha ka imlang sahlang.
