Shillong, Iaiong 24: U Presidet jong ka Khasi Student Union (KSU) u Samla Lambokstarwell Marngar mynta ka sngi ka 24 Tarik u Iaiong 2024 u la kynthoh ia ka Sorkar Jylla halor ka jingshah kynnoh bad shah pharep jong ki dkhot ka KSU bad ki samla Khasi ha ba don kano kano ka jingshah pyniap klep jong ki bar Jylla ha ki bynta bapher bapher jong ka Jylla.
Ha ba kren ha ki lat pathai khubor na ka linag u President ka KSU u la kynthoh ba ki don ki agency ba ka sorkar ka pyndonkam ha kaba tang shu jia kano kano ka jingshah shoh ne pyniap jong ki bar Jylla na ka liang ka Sorkar ka kem beit na phang ia ki dkhot ka KSU bad ki samla Khasi.
U bah Marngar u la ongruh ba ha ba peit ia kane ka jingleh jong ka sorkar ka pyni ia ka jingnoh shiliang ha ka synshar ka khadar. U la ongruh ba kane ka jingleh jong ka Sorkar ka long kum ba ka khot sngew bha ban don kum kine ki kynrum kynram hapoh ka Jyllla.
u Bah Marngar u la maham ruh ba la da ka Sorkar ka dang bteng ha ka ban kem ia ki dkhot jong ka Seng KSU bad ia ki samla Khasi na ka liang ka sorkar ka dei ban shim ia ka jingkitkhlieh.
U bah Marngar u la buhruh ka jingkylli ia ka sorkar ba ka jingshah bom iap jong u wei na ki dkhot ka seng KSU u bah Lurshai Hynniewta ha ka ba ki paidbah ka Jylla kim shymla ioh jingtip haduh mynta ba katno ngut ki ba donkti bad katno ngut ki la shah pynhap kyndon haduh mynta hynrei kine bar oh ki la shu jah noh.
Kat ba na ka liang u SP city ka East Khasi Hills u Pankaj Kumar Rasgania IPS u la ong ba ka jingkem ia u Leenstar Shabong 27 snem ka Kyrta u ba na Nongthymai ka dei kat kum ka jingshah pyiap u wei na ki bar Jylla ha Ichamati.
Katba ka jingkem ia u Gary Rinaldy awlieh 25 snem ka kyrta u ba na ka shnong Mawlai mawroh ka dei halor ka jing shah pyniap jong u wei na ki bar Jylla ka ba la jia ha kwei na ka iing ba ki trei kaba ha Mawroh.
