Shillong, Naitung, 05: Ka Hynniewtrep A`chik Nanational Movement (HANM) Jaintia Hills Unit ka la kynthoh tyngeh halor ka jingleh mynthi jong ka Jaintia Hills Autonomous District Council (JHADC) na ka bynta ban plie noh ia ka Website khnang ban pynsuk ia ki paidbah babun balang ba kin dup ioh jingtip halor ki skhim bad ki jingtreikam jong ka Council.
U bah Shaniahlang Suchen president ka seng u la ong `Ngi la pynkhreh da ki jingiakhih namar ka jingmynthi ka JHADC ban pynurlong ia ka jingdawa ka Seng hadien ba ngi ladep ai da ka jingthoh ha u CEM ha ka 5 tarik u bnai baladep,`
Ka Seng ka la kynthoh ruh ba kane ka jingmynthi ka JHADC halor ka jingdawa jong ka Seng ban plie noh ia ka Website jong kane ka Ophis, namar ba jur ki kam bamsap kumba la jia ha u snem baladep da u Ma Madonbai Rymbai, CEM barim ka JHADC, uba la donkti ban pyndonkam bakla ia ka pisa paidbah kaba la kot da ki klur tyngka tad haduh ban un da shah mudui da ka ejahar.(SP News)
Nongpoh, Naitung 05: Ki nong shong shnong jong Ka shnong Nongrimjyrmie kaba ha Ri-Bhoi ki la ioh shubun kki jing kyntoi bad ioh jingtip kyrpang shaphang ka kam ri syiar lyngba ka Workshop ba la pynlong halor ka Phang, `Paultry Farming bad da ki spah ngut ki paidbah kiba la la poi ha ak tei ka Workshop.
Ia kane ka Workshop la pynlong da ka Nongrimjyrmie Social & Cultural club ha kaba u MDC ka Umsning, u Bah Donkupar Sumer u la wan ban shim bynta kum u kongsan bad ha ryngkat ka jing iadonlang u Rangbah Shnong u Bah T. Mynsong bad u Bah B. Lapang kum u President ka Club ba pyniaid ia katei ka Workshhop.
Ha kane ka Workshop la wan ban ai jinghikai da ki ophisar na ka tnad A.H & Veterinary Department ba la mihkhmat da u Dr. Workman Lyting, kum u A.H & Veterinary Officer, Ri-Bhoi bad kynthup ia ki ophisar na ka Training Basin Development Unit, Ri-Bhoi, ba la wan ban ai jinghikai da u bah W.J Nongrum bad u Bah Raymond R. Lyngdoh.
Haba kren ha kane ka Workshop kum u kongsan, u Bah Donkupar Sumer, MDC ka Umsning u la ai jingiaroh ia ka Nongrimjyrmie Social & Cultural Club kaba la shim khia ban pynlong ia kane ka prokram na ka bynta ka jingmyntoi ki paidbah Nongshong shnong ban kyntiew ia ka kam ri syiar kaba long kawei na ki lad ai kam ai jam ia ki nongshong shnong.
U la ong ruh ka jingong Poultry Farming ha ka ktien nongwei kam mut satia ban ong tang ka kam ri syiar, hynrei ka dei ruh ka kam ban ri ia ia ki Han, ki radha, ki turkey bad kiwei kiwei ki kynja ba long syiar ha kaba ha kine ki sngi bun na ki nongrep ki la kiew ha ka ioh ka kot lyngba ka jingtrei minot ha ka kam ri jingri.(SP News)
