Shillong, Naitung13: Ka seng BJP jong ka Meghalaya State Unit kala iohi ba ka la don ka jignthoh ha ki kot khubor bay n pyrshah lada ka don kano kano ka jingpyrshang ban khang ia ka jingot doh masi. Halor kane na ka liang jong ka BJP ka sngew ba u Bah Pala u pyrshang ban ialam bakla ia ki paidbah.
Haba ia dei bad katei ka jingong jong u MP kane ka jylla Meghalaya, la ong ba ka seng BJP ha kine ki sngi kiba kala wan ha ka bor kam shym la kren ei ei sha phang kata ban ong ban khang ia ka jingot doh masi ha kane ka Ri.
Kane ka jingleh baroh ka long ban ialam bakla ia ki paidbah la kynnoh kylla ka BJP, namar kane ka sorkar kaba mynta hapoh ka jingialam jong ka BJP kala peit kyrpang ia kane ka dong shatei lam mih ngi jong ka Ri India ha kaba kala mang pisa haduh T.53,706 klur na ka bynta ban kyntiew ia kane ka thain bad ki paidbah mynta kila sdang ban phai khmat sha kane ka sorkar ban tang pynsngewthuh bakla ia ki paidbah u MP jong ka Shillong u la pyrshang ban leh ia kane ka kam kaba ktah ia ka jingsngew jong ki paidbah.
Na ka liang jong ka seng BJP ha kane ka jylla ka kyntu ia u bah Pala ba un kiar na ki politic tador, ha ka juh ka por ka kyntu ia u ban ia trei lang ba kane ka sorkar pdeng kaba mynta na ka bynta ban wanrah ia ki kam pynroi ha kane ka jylla ia kaba ka sokar congress ha ki san snem kiba la leit noh kam shym leh ei ei.(SP News)
