Shillong, Iaiong 18: Namar ka jingbun palat jong ki briew kiba shong die madan ha ki bynta jong ka iew duh bad ka them iew mawlong, kaba la wan rah ruh ka jing khapniah ha ka leit ka wan ki paitbah bad ruh ka jing thut ka leit wan khamtam kiba wan siew wan tda sha ki bynta jong ka iew.
Na ka laing ka Hynniewtrep National Youth Front east khasi hill ha ka jingialam jong u president ka seng u bah Bless Dkhar mynta mynta ka sngi ki la leit ban ia kynduh ia syiem jong ka hima myllien u paiem Ainam manik syiem ban dawa na u syiem ba la dei ban leit jurip ha kiba bun ki bynta jong ka iewduh namar ka jing bun ki briew kiba shong die madan be-aiñ
Haba kren sha ki ladpathai khubor bah Bles Dkhar u la iathuh ba ka jing ia kynduh bad u syiem ka long kaba sngew tynnad ba u kular ban leit jurip ia ka iew rynkat bad ka Seng HNYF bad ka juh ka por na ka liang ka seng rynkat bad ka hima myllien kin leit ban jurip bad ruh kin khynra syndon ia ki trading license jong ki briew khamtam ki bym dei khasi.
