Shillong, Nailur 28: Ha ka sngi rakhie ia ka World Tourism Day u Myntri Rangbah ka Jylla Dr. Mukul Sangma U la ong ba ka kam jngoh kai pyrthei ka long kaba kongsan bha khamtam haka ioh ka kot, ka roi ka par jong ka lawei ban wan bad ban kyntiew ruh ia ka jylla.
U la ong ruh ba ka tourism ka long kaba iar bha bad kaba lah ban pynbiang ia ki lad ioh kam ioh jam. Kadei ka jingshisha ba ka jylla ka ka dei ka jylla ba tuid da ka dud bad ka ngap, hynrei katno ngut ki samla kyrduh kam kyrduh jam ki la ioh jingmyntoi bad katno ngut ki long iing ki ba duk ki la ioh ban kyntiew ia ka ioh ka kot ka long ka jingkylli?.
Yn da peit ia ka jinglong jingman jong ki surok, ki lynti ki synkien bad ki shnong ki thaw la iohi ba kam pat don kata ka roi ka par kaba wan lyngba ka jngoh kai pyrthei. Ka jingriew spah jong ka jylla haka kam jngoh kai pyrthei ka long ka jingmyntoi ia ki nongshong shnong jong kiwei pat ki jylla kynnoh ka KHNAM.
Ha ki sngi shuti ki Kali na kiwei pat ki jylla ki dap ha ki tourism spot. Lada ka sorkar ka thrang shisha ban kyntiew ia ka ioh ka kot u trai jylla, kawei na ki lad ka long ban ym ailad shuh ia ki kali kamai na kiwei pat ki jylla ban leit sha ki jaka jngoh kai pyrthei ki ba don hapoh u pud u sam jong ka jylla, ki lah ban wan buh bad wan shaw ia ki nongwan jngoh kai pyrthei naki last drop and pick up points.
Kane kan plie lad ioh kamai ia ki trai jylla. Ka Jylla Sikkim ka la shim ia kane ka lynti ban kyntiew ia ka kamai ka jih jong ki trai jylla ka Sikkim na ka liang jong ka KHNAM ka ong ba kim iohi ba ka eh lada ka sorkar ka don ka mon ban kyntiew ia ka ioh ka kot jong u paidbah.
