Shillong, Jymmang 09: Ki dkhot jong ka seng kmie jong ka Khasi Student Union (KSU) mynta ka sngi ki la leit ban ia kynduh ia u Vice Chancellor jong ka North Eastern Hills University u Professor Krishna Srivastava , ha kane ka jingleit ia kynduh la lam khmat da u president ka seng u bah Daniel.
Haba kren sha u nongaikhubor u Bah Daniel u la ong ba kane ka jingleit ia kynduh ka long kum ka dak jingburom ia u Vice Chancellor u ba pura u ba dang wan shimti thymmai ha kane ka skul bah. Ha kane ka jingiakynduh kila ia kren ruh ia ki kam kiba la sah teng.
Ka jingiaken ka long ba na ka liang jong ka seng kala kyntu ia u Vice Chancellor ba thymmai ba u dei ban thung noh ia u Registrar bad ia u Finance officer ba pura hapoh kane ka skul bah, namar kumba ka long mynta kiba bat ia kane ka kam la aiti ha ki ba kin long tang ki nong peit.
Ha kane ka jingiakynduh la ia kren ruh ba kane ka skul bah ka dei ban pynmih noh ia ki jingpynbna iaki kam bapher bapher kiba lait ha kane ka skul bah kiba la sah teng da ka jingbym don ia u Vice Chancellor ba pura ha kine ki ar snem kiba la leit noh.
U Bah Daniel u la iathuh ba ha kine ki snem kiba la leit noh haba ki leit ban ia kynduh ia ki Vice Chancellor ka jubab kaba ki ioh ka long ba namar ba kim dei ki vice chancellor kiba pura kim lah ban leh ei ei bad ki ong ba ia ki kam kiba sah lah ban shim rai tad haduh ban da ioh ia u Vice Chancellr u ba pura, kane ka jingleit ban ia kynduh mynta ka sngi ka long ban pynkynmaw ia u Vice Chancellor u ba pura ba mynta ba u dei ban pyndep noh ia ki kam kiba la sah teng hapoh kane ka skul bah.
