Shillong, Iaiong 08:Ka Ri Umsnam People Aliance (RUPA) Centrai Body ka kyntu ia ki paidbah ka Jylla ba kin ia ia mih ryntih ha ka 9 tarik ban leit thep vote na bynta ban jied ia u MP na ka Shillong Parliamentary seat sha ka iing dorbar Parliament ka Ri India.
Ha ka kyrwoh ba la phah lyngba u Bah EB Lyngdoh, Secreatary Information Cell ka RUPA ka la kyntu jur ia ki paidbah ha shwa kin thep ia ka vote jong ki ba kin sngewbha ban puson janai bad pynshong nongrim ia uba kumno u nongialam kin jied khnang ba kan long ka jingmyntoi ri bad ka jaidbynriew.
“Ka jingpyndep ia ka hok ban thep vote ka long ka kamram jong uwei pa uwei ne kawei pa kawei kum ki nongshong shnong ka ri ban shim ia ka jingkitkklieh, ban ym pynleh noh ei ia la ka hok kaba wan ha ka shisien san snem ka long kaba donkam haduh katta katta. Hynrei shwa ban thep ia ka vote ba kordor ki dei ban da kylla thiah kylla dem khnang ba kan ym long kaba lehnoh ei bad kaba lah ban wanrah jingmyntoi shisha ia ka lawei ka jong ri bad ka jaidbynriew,” la pynkut ka kyrwoh. (SP News)
