Shillong, Rymphang 05: Ki pulit jong ka East Khasi Hills District kila ioh ia ka jingtip ba ki don ki briew kiba phone sha ki riew paidbah kiba pynithuh ia lade kum ki nongrah tiar da kaba ong ba ki tiar kiba kila ioh pdiang don ki jingdih pynbuaid ha dien bakila phah ia ki song, kumta la kyntu wat shim ia ki tiar ba poi khlem dap hah.
Kine ki briew kiba pynsyeir ki da pyndon kam ia ka kyrteng jong ki bor jong ka sorkar pdeng, kum ia ka kyrteng jong ki Customs, CBI. NCB bad kiwei kwei, kine ki briew kiba phone da kaba pyndon kam ia ka kyrteng jong kitei ki bor jong ka sorkar pdeng kin dawa ban phah pisa sha ki da kaba kam ba ki dei ki nongtrei ka Reserved Bank ka Ri India.
Ban pyntieng shuh shuh ia ki briew kine ki nongphone kida byrngem ruh ban phah kem bad ki juh phah register lyngba kawei ka App ba kin buh ia ka jingujor bad da kaba phah kumta kin sa dawa pisa da ka jingpynsyier pynsmiej ia kita kiba kila ioh ban phone.
Na ka liang jong ki pulit kila bthah ia ki paidbah ban nym pdiang ia kino kino ki tiar kiba phi khlem thied be phah, la kyntu ia ki paidbah ba lada don kum kata pyntip mardor sha ki Pulit, ia kane ka juh lah ban ujor sha Cybercrime da kaba phone 1930, sha ki pulit 0364-2215427 bad ka mobile number 6009196479.
