Shillong, Rymphang 24: U Myntri Rangbah ka jylla u Conrad K Sangma mynta ka sngi u la kren ia u myntri korbar ri jong ka Ri India ban wan ialam noh ia ki samla pule ka jylla Meghalaya na Ukraine.
U Myntri Rangbah ka jylla u Conrad K Sangma la ong ba u la dep ban kren sha ka sorkar pdeng khamtam ia u myntri korbar ri ban peit ba ki samla pule kin ioh ban mih na katei ka ri Ukraine.
U Myntri Rangbah ka jylla u ong ba ka sorkar pdeng ka dei ban peit ba ki briew na kane ka Ri India bad kum juh na kane ka jylla kin ioh ban wan phai da kaba suk ba sain sha la ka jong ka Ri.
U duwai na ka bynta ka jingshngian jong baroh ban lait na kano kano ka jingmynsaw bad u dang angnud ban iohi ba kan wan biang ka jingshong suk ha katei ka ri, la pynpaw u mytnri rangbah ka jylla lyngba ka twitter mynta ka sngi.
