Shillong, Rymphang 27: U bah Methodius Dkhar MLA jong ka Mawthyngkut haba ia shim bynta ha ka jingkren halor ka mang tyngka kaba la wanrah da u myntri rangbah ka jylla u Conrad K Sangma, u la ai khublei ia ka sorkar na ka bynta ka jingmang pisa shuh ban bteng ban shna ia ka surok Mawieit.
U Bah Methodius ba dei MLA jong katei ka jaka, u la kyntu ia ka sorkar ba kan shna pynbha ia ka surok na Nongstoin sha Kullang bad ban buh ia ka Police Out Post ha Maweit ban peit ia kane ka jaka.
Ban kyntiew ia ka khaii pateng na ka bynta ka Nongstoin, Rongjeng, Shallang bad ia tei ka thain baroh kawei la don kam ban shna ia ka surok kaba 80 km na Shallang sha Maheskhola ban poi sha Bangladesh.
La ong ba katei ka thian ka dang don kam shibun ki PHC bad CHC kum ha Seinduli bad kiwei ki jaka kiba la dep ban ai jaka ruh ban buh ia ki PHC bad CHC,ha ka juh ka por ban iarap ia ki nongrep katei ka thain kiba dang sah dien.
Ha ka juh ka por na ka liang jong ki paidbah katei ka thian ki don ka jingshaniah ia ka rukom sumar tynrai bad kan long kaba bha lada iarap ban thung ia ki dawai kynbat na ka bynta ban kyntiew iaka ioh ka kot jong ki paidbah.
