Tura, Risaw 02: U MDC jong ka Silkigre, u Augustine R Marak, u ba dei ruh u Deputy CEM hapoh jong ka GHADC , u la ong “ Nga da pynrem jur ia ki nongrabor ia ki 9 ngut ki nongkhaii na ka iew Silkigre kaba juh long shisien shitaiew ha kaba la jia dang shen”.
La ong ba kane ka jingjia kala wanrah ia ka jingtieng jingsmiej ha ki paidbah katei ka thain haba ka jingshong suk kala sdang ban wan biang, u la dawa na kito ki nongrah bor ba ki dei ban pynlait noh ia kine ki nongrah bor khlem da pynmynsaw ia ki nongkhaii.
Ha ka juh ka por u Marak u la kynthoh jur ia ka tand kam poh iing jong ka sorkar jylla kaba khlem leh ei ei halor ka jingdawa ka jong u kaba u la thoh na ka por sha ka por ba dei ban buh ka AD Camp jong ki pulit ha kane ka jaka hynrei kam shym leh ei ei ka sorkar.
U la ong ba kum u MDC jong kane ka jaka u dawa ba ka sorkar ka dei ban buh ia kane ka AD Camp jong ki pulit ban ai ka jingshngian ia ki nongleit nongwan iew ha kane ka iew, la ong u Augustine R. Marak, MDC Silkigre Constituency.