New Delhi, Jymmang 12: Ban pyniaid ia ka jngingsam khaw rashon sha ki paidbah na ka liang jong ka sorkar pdeng kala lah ban weng ia bun ki kard ration snaiap na bun ki jylla ha kane ka Ri India la ong u myntri ba deipeit ia ka tand sam bam jong ka Ri, u Ram Vilas Paswan haba kren ha ki dkhot jong ka Parliamentary Consultative Committee (PCC).
Na ka liang jong ka sorkar pdeng kala kyntu ia ki sorkar jylla ba ki dei ban pynlong ia kane ka jingsam khaw rashon sha ki paidbah da ka rukom ka ban pynsuk ia u luk u lak , ka sorkar pdeng kala mang ban pynlut haduh T.884 klur tyngka ban pyniaid ia kane ka kam lyngba ki kor computer, ha kaba ai ia ka bhah jong u khaw sha ki dukan rashon. La bthah ia ki sorkar jylla ba kin pyndon kam ia u Aadhaar number ha ki ration Card.
Haba ia shim bynta ha kane ka jingialang na ka liang ong ki dkhot ka iing dorbar bah jong ka Ri India ki la kyntu ia ka sorkar pdeng ki la ong ba la dei ban shah ia ki ba kin long ki dkhot ha ka “district level committees” ba kin long lem ki nongpeit ha kaba pyniaid ia u khaw rashon, kiba la ia poi sha kane ka jingialang ki long u Raju Alias, Devappa Anna Shetty, u Ram Prasad Sarmah, u Ramesh Chander Kaushik,u Balwinder Singh Bhunder, u Bhupinder Singh kine baroh ki dei ki dkhot jong ka Parliament.
