Shillong, Risaw 09: Ki surok bah ki dei ki bud lym jong ka ioh ka kot jong kano kano ka jaka bad kum b aka paw na ki jingwad bniah ba ki surok bah ki iarap ban kyntiew ia ka ioh da ka da 2% ha kano kano ka jylla, hynrei haba phai sha ka surok bah NH-44 ba dei na ka jingsniew palat ka surk mynta u snem 30 ngut ki briew kila duh ei ia la ka jong ka jingim.
La ong ba ka jingtmu ban shim jaka ban pynheh ia kane ka surok NH-44 na Jowai sha ka Ratacherra, la ong ba na ka daw jong ka jingsniew palat kane ka surok ki briew kim kwah ban iaid lyngba jong ki hynrei kileit sha Guwahati ban leit da ka Rel. Ka jingshim jaka ban pyneh ia kane ka surok mynta ka dang iaid.
Kane ka surok NH-44, ha West Jaintia Hills ka don tang 9km, hynrei ban ioh jaka ka long kaba eh katkum ka ain shim khyndew kaba thymmai kaba la shna ha u snem 2013. Na ka liang jong u Deputy Commissioner, u la lum ka jingialang ia ki trai jaka ban kyrpad ba kin ailad ban shna ia ka surok wat lada kim pat ioh ia ka bai khyndew.
Na ka liang jong ki trai jaka kila ong ba kin nym ai lad ban trei lada kim pat ioh ia ka bai jaka , ha kaba ia dei bad ka bai jaka ka NHAI kala buh ka pisa phra klur bad ka ophis jong u Deputy Commissioner bad mynta ka sah sa tang naka tand bat khyndew jong ka sorkar ba kan pyndep ia ki kot ki sla ban ioh siew noh ia kane ka bai khyndew ban ioh sdang noh ban shna ia ka surok.
Haka FB u DC jong ka West Jaintia Hills u la thoh ba “ Ngi dang ia kren bad ka tand shna surok jong ka sorkar pdeng ban pynheh noh ia ka surok na Jowai sha Dawki lyngba ka Amlarem bad kawei pat ka Jowai By Pass kaba dei ban iaid na Khlie Tyrshi. “ Nga da kyrpad ia ki riew shem phang bad ia kren lem bad ki trai jaka ban ai lad ban sdang shna noh ia ka surok ban dup lah ban lait na bun ki jingmynsaw, kumba ka long ngi jied hapdeng ka jingim bad ka pisa”.
