Shillong, Lber 31:Ka kynhun ialehkai na kane ka Jylla ka Rangdajied United FC ka la pyntip ba ka jingialehkai I-League ha la iing pyrshah ia ka Sporting Clube de Goa kan long ha ka 2 tarik Iaiong ha JN Stadium Sports Polo ha ka por 5 baje.
Kane ka kynhun ka la kiew ha ka kyrdan kaba phra da 24 point hadien ba ka la khur ia ka jingjop pyrshah ia ka East Bengal ha ka sngi Saitjain.
Ia ki tiket na bynta ka jingiakhun ha ka 2 tarik lah ban ioh na T.S. Sports, Jowai. Sports Spirit MUDA Complex, Police Bazar. Meba Stationery, Jingkieng Nongthymmai. Reebok Sweet, Laitumkhrah. Al Seat Cover, Mawlai Nongpdeng. Arkay Automobiles, Mawngap. Polo Ground, Gate No. 5 na jaka die tiket ha 2nd Ground & 3rd Ground Polo.(SP News)
