Shillong, Naitung 06: Ka jingtrei na ka bynta ka Jowai Greater Water Supply Scheme kala jan dep mynta bad shen ka tand PHE kan sa pyntrei kam noh ia ka, ong ki heh katei ka tand sorkar.
Ki heh na ka tand PHE ki la ong ba ka jingslem ban pyndep ia kane ka jingtrei ka dei na ka daw ba la pynslem na ka JHADC ban ai jingbit, ka jingbym ai jaka jong ka BRTF ha ki snem kiba mynshuwa.
Kaba la pynslem ka dei ka jingpyrshah jong ki paidbah ban pump um na wah Mih Myntdu bad kane kala pynslem haduh ba ka PHE ka hap ban wad tyllong um da kawei. Ha dien ba la bianglut baroh ka jingtrei kala iaid beit bad mynta kala jan dep.
Kane ka JGWS la shna na ki ar bynta kaba nyngkong ka long ha u snem 1980 ha ka jinglut kaba 95 lak bad ka bynta kaba ar ha u snem 1985 ha ka jinglut kaba 25 lak.
Na ka liang jong ka PHE wat hapdeng ka jingshah kynthoh kala trei shitom ban pyndep ia kane ka jingtrei bad kane ka skhim kan sa pynioh ka umdih ia ki paidbah kiba shong ha Jowai kaba khang biang na kaba ki ioh um mynta. Kiheh ka tei ka tand ki ong ba kin sa pyntreikam noh ia kane ka skhim ha kine khyndait bnai ban sa wan.(SP News)
