Shillong, Nailar 23: U Deputy Commissioner jong ka East Jiantia Hills mynta ka sngi u la pynjari da ka kyndon 144 CrPC ban khang ia ki trok ba kin nym iaid ha ka jingkieng kaba don ha ka wah Ri Manar ba ka jingkit palat ia ka 18 MT.
Kane ka jingkieng ka long kaba la rim bha bad ka don ka jingma bad lada ka kdiah ka lah ban wanrah ia ka jingmynsaw bad kan khang ia ka leit ka wan jong ki paidbah. Ia kane ka jingpynbna la leh ha dien ba la ioh ia ka jingujor na u Executive Engineer jong ka PWD ba dei peit ia ki surok jong ka NEC, khliehriat.
La pynjari ia kane ka jingpynbna na ka daw ba bun ki trok kiba la kit palat pud ki iaid na kane ka jingkieng wat haba la maham la bun bun sien ruh kin don ba sngap, kane ka jingpynjari ia ka 144 CrPC kan trei kam noh mardor naduh ba pynmih ia kane ka jingpynbna.
