Shillong, Kyllalyngkot 29: U President jong ka seng Ka Synjuk Ki Rangbah Kur Ka Bri-U Hynniewtrep u Bah HS Shylla u ba dei ruh u CEM jong ka KHADC u khot u wer ia baroh ki rangbah kur bad ia baroh ki kur kiba don ha kane ka Bri-U Hynniewtrep ba kin ia poi sha ka dorbar ban long ha ka 2th Rymphang 2019 ha Sri Aurobindo Institute of India Culture ha dien iing jong u lat ka jylla.
Haba kren ha ki nongthoh khubor mynta ka sngi ha Shillong Press club u la ong ba kane ka jingialang jong ki rangbah kur ka long ban ia kren halor ka khia ka shon jong ka jaidbynriew lyngba jong ka kur, kumba la kyntu ia baroh ki kur kiba khlem pat don ia ki seng sur ruh ba kin ia poi ha kane ka sngi.
U Bah A Lyngdoh Mawphlang General Secretary jong ka synjuk u la batai ba ka jignthaw ia kane ka synjuk ka long ban lum ban lang ia ki kur ban pynkhlain ia ki hala ki jong ki jong ki jaka kaba ki don namar kum ka long mynta kane ka long kur kala sdang ban hiar bad lyngba kane ka Synjuk un ialeh ban pynkhlain biang ia ki kur.
Kumta la kyntu ia barpoh ban ia poi sha kane ka dorbar ba la ong ba kin shim ia kane kum ka jingkhot wat lada ym lah ban pynpoi ia ki jingpyntip hynrei shim ia kane kum ka kam la jong.
