Shillong,Jymmang03: Ka District Magistrate, jong ka Ri Bhoi District, Nongpoh kala pynbna paidbah ba la pynjari iaka kyndon 144 CrPC ba la khang ban ieng ki kali kamai ne kali kot dewiong palat ia ar tylli ki kali ha kawei ka jaka habaroh shilynter jong kane ka surok kaba hap hapoh jong ka Ri Bhoi District.
Kane ka jingmana ka long naduh Pahamrioh sha sha duh Umling kane ka long ban pynbeit ia ka jingieng kali pathar jong ki kali heh bad ki kali kit dewiong ha kane ka surok kaba la ktah ia ka iaid ka iing jong ki paidbah, kane ka jingieng kali pathar kala pynkhapngiah ia ka surok.
