Shillong, Kyllalyngkot 08: Mynta ka sngi u rangbah shnong jong ka Mawkhar u bah Arwan Tariang u la plie ia ka dukan kaba nyngkong jong ka “MegaMart” kaba nyngkong ha kane ka jylla Meghalaya ha Mawkhaw ia kaba la shim ia ka laisen na katei ka kompeni da u bah Bankitkupar War.
Ha ka jingkren plie na ka liang jong u bah Arwan la ong ba kane ka dei ka jingmyntoi ia ki paidbah kane ka jylla bad khamtam ia ka shnong Mawkhar namar kam dei tang ka dukan ka ban ai kam ia ki samla hynrei kan ai ka jinghikai ia ki samla kiba seng ia la ki jong kikam ki jam.
U bah Arwan u la ai khublei kyrpang ia u bah Bankitkupar War bala lah ban leh ia kane ka kam, bad ka jingai khublei ka leit ruh sha u bah Boldness L Nongum bad ka kong A War kiba la lah ban pynurlong ia kane ka sngi kum ba ka long mynta ha kaba la lah ban plie ia kane ka dukan.
Ha kane ka sngi u bah Boldness L Nongum u la pynshai ba kumno kila ioh ka ka laisen na ka MegaMart ba plie ia kane ka dukan ha kane ka jylla Meghalaya bad u la pyntip ba man ka sngi ka don beit ka jingdie ban pynduna dor kaba man ka sngi.
Ha kane ka sngi la ioh ruh ia ka jingkren na u bah Ransom Sutnga, ia ka jingduwai la leh da u Pastor S. Umdor, ha kane ka sngi la ai ia ka jingkren ai khublei da u bah Baker War, ha ka jingiadon lang kiba ha iing ka sem bad ki lok ki jor.
