Shillong, Jylliew 22 Ka Khasi Jaintia Presbyterian Assembly (KJPA) mynta ka sngi kala plie ia ka jingrakhe jong ka jingdap 175 snem ka jingwan u Thomas Jones na ri Wales jong ka Ri Bilat sha kine ki lum khasi ban wan ialap ia ka ktien jong u trai Jisu.
Ha dien ba une u riew khraw u la wan ban ialap ia ka ktien jong u blei bad yn da u la sah ha kane ka Ri khasi u lap ba ki briew kim don ia u dak thoh u la trei shitom bad ha dien u la ioh ban ai sha kane ka jaidbynriew khasi ia ki dak thoh kiba don mynta.
Ia kane ka jingsdang ban rakhe ia kane ka jingdap 175 snem jong ka jingwan u tei u riew khraw la plie mynta ka sngi ha ka jingialang kaba la long ha phyllaw jong ka KJPA ha Mission Compound bad ia kane ka jingrakhe yn pynkut ha ka 20 tarik Naiwieng mynta u snem.
La khmih lynti ba ha ka sngi ban pynkut ia kane ka jingrakhe ki para ba ngiet kin poi palat ia ka lai lak ngut ha katei ka jaka jaka la ong u Rev NS Phawa ha ka jingkren maitphang ka jong u ha dien ba la dep ban pynher ia ka lama.
Ban pynphuh pynphing ia kane ka sngi la don ruh ki jingrwai bad la ot ruh ia u kake da I kong M Lyngdoh Chairperson jingiaseng kynthei. Ha kane ka sngi la don lang ruh shibun ki dkhot na ki seng bapher bapher jong ka balang ban sakhi lang ia kane ka sngi. U Rev Thomas Jones u la wan sha kine ki lum khasi ha ka 22 tarik mynta ka sngi ha u snem 1841.
