Jowai Risaw 23: Ka Khasi Jaintia National Union ( KJNU ) ha kane ka 22 tarik mynta u bnai ka la Pyllait paidbah ia ka jingrwai sur ieit ri jong ka , ka ‘ Ri ba kyrpang ‘ ha Highwind resort kaba don ha Jan Thadlaskein Lake ia kaba la Pyllait ia ka da u Bah Nehimaia Tynkan u ba long kum u kongsan ha kane ka sngi ha ryngkat ka jingiadon lang u President ka MPUF Jaintia Circle u Bah Dapoi Laloo , U President ka HYC Jaintia Circle u Bah D.Lathong, u bah Paila Lyngkot, ki dkhot jong kane ka seng bad ki riew pawkhmat jong ka Jaintia.
Ia kane ka sur ieid jong kane seng la thaw bad thoh ia ka da u President jong kane hi ka seng u Bah Niman.N Shadap bad u bah Paila Lyngkot .Bad la rwai kynud pat ia ka da bah u Ram Suchiang,u bah Eborlang Mynliemngap bad u Bah E . Dkhar .
Haba kren kum u kongsan u Bah Nehimaia u la ai ka jingiaroh ia kane ka seng kaba la don ka jingmut kum kane ka jingmut na ka bynta ban kyrsiew thiah ia ka Ri bad Jaidbynriew lyngba kane ka sur , da kaba u la kyntu ruh ia kane ka seng ba kan nang iaid sha phrang ha kaba ia dei ka bha miat jong ka Jaidbynriew.
khnang ba kumno ban wan rah ia ka suk ka sain hapoh ka im lang sah lang bad u la kyntu shuh shuh ruh ia ki ba kim dei ban sngap ia ka jingkren kren bein jong kiwei na ka bynta jong ki ha kaba ia dei bad ka bha ka miat jong ka Jaidbynriew hynrei iaid sha khmat khnang ba ha dien kin sa kheit ia u ta u soh jong ka jingjop.