Shillong, Naitung 14: Ha dien shi sngi ba la shimti ia ka shuki CEM hapoh jong ka KHADC u Bah HS Shylla u la pynkhreh ia ki kyrteng jong ki EM ki ban don ha ka Exectuive Committee ka jong bad la sngewthuh bay n phah sha u Lat jong ka jylla ha ka sngi nyngkong ban ioh ia ka jingmynjur.
Ki lad khubor ki iathuh ba, ha kane ka EC ka jong u Bah Shylla ki MDC ki ban ioh long EM ki long u Bah Teinwell Dkhar, Bah Neilantonio War, bah Donkupar Sumer na ka UDP, na ka NPP nalor u CEM, kiban ioh rung kin long u Bah Jansing M Tynsong, kiwei pat la sngewthuh kin long u Bah Blanding Warjri, Bah Manstudy Nongrem na ka HSPDP, ia ka jingtip kaba thikna kan long beit ha dien ba la ioh ia ka jingmynjur na u Lat ka jylla.
Ki lad khubor ki iathuh ba ka kong Telinia Thangkhiew kan shimti ia ka kam Chairman hapoh jong ka KHADC bad ia kane na ka liang jongu Bah Shylla u la dep ban ai ksai hapoh ka iing dorbar ha ka jingkren ka jong u ba u kwah ban pynshong ia ka kong Telinia ha ka shuki Chairman,
Ki wei pat ki thymmei khubor ki iathuh ba u Bah Pyniaid Syiem u lah ban long kum u Deputy Chairman namar ka long kaba don kam ia ka iing dorbar ban don ia u Deputy Chairman ban ia peit ia ki kam hapoh jong ka District Council.