Shillong, Iaiong 15: Ka Inspiring Youngsters Club myn ka la pynkut noh iaka 3rd Inspiring Youngsters Under 16 Football Tourney, 2017 ia kaba la pyniaid ha Madan jong ka Nonglang Sports Club, Nonglang.Ia kane ka Tournament la pynlong daka jingthmu ban kyntiew iaka kynjatboll hapoh jong ka South West Khasi Hills District khamtam hapdeng ki khynnah ba dang don ka por ba kin nang kiew shaphrang haka jingim ialehkai jongki.
Ha kane ka sngi , ki kynhun ba la poi sha ka phainal Ki long Ka Syiang Football Club , Mawkyrwat pyrshah iaka Mawkohphet Sports Club. Ka jingialehkai ka la long shisha kaba itynnad ha kaba baroh artylli ki kynhun ki la iakhun tyngeh hynrei dei ka Mawkohphet Sports Club kaba la ioh iaka jingjop ha kane ka sngi lyngba Ka goal ba la thep da u Jonesjune Lyngkhoi.
Ha kane ka juh ka sngi , naka liang Ka Club kum shibynta ban kyntiew ruh iaka kynjatboll hapdeng ki kynthei jongka District ka la ioh ban pynlong iaka jingialehkai kynjatboll jongki Kynthei ha kaba la sakhi iaka jingialehkai hapdeng ka Mawkyrwat XI pyrshah iaka Hynriew Shnong Higher Secondary School, Shngimawlein Ha kaba ka Mawkyrwat XI ka la ioh iaka jingjop lyngba ka 1 kol ba la thep Da ka Samla Ibakordor.
Ki Nongioh iaki khusnam shimet haka jingialehkai under 16 Ki shynrang Ki long , u bah Batskhemlang Thongni ( Phlangkynshi Drivers Association) – Most Promising Player, u Bah Jonesjone Lyngkhoi ( Mawkohphet Sports Club) – Top Scorer, u Bah Givenson Wanniang(Mawkohphet Sports Club) – Best Goalkeeper bad u Bah Rumassen Diengngan ( Syiang Football Club) – Best Player.
Ha kane ka sngi, la ia don lang ruh u Bah A. Nongbri BDO, Mawkyrwat Block kum u kongsan ha ka jingiadon ryngkat jong u bah D.Dan District Sports Officer, South West Khasi Hills District ,Ka kong Balutmon Nengnong, ka nonghikai ha ka kam ialehkai kynjatboll, South West Khasi Hills District bad kiwei kiwei ki riew rangbah.
Shuh shuh , naka liang Ka Inspiring Youngsters Club ka pyntip paitbah ba ka Tournament kaba bud kan dei noh ka ” 4th Inspiring Youngsters Football Tourney, 2017-18″ ia kaba la khmih lynti ban pynlong noh ha u bnai December 2017 bad January 2018 bad kane kan long na bynta ki khynnah ba hap hapoh ka 17 snem karta. Kumjuh ruh ka Club kan Sa pynlong noh ruh ia Ka ” Inspiring Youngsters Women Football Tournament, 2017-18″ ha kitei ki bnai na bynta ki Samla kynthei jongka South West Khasi Hills District bad nabar ruh kumjuh.
