Shillong, Iaong 11: Ka Assam Rifles ka la pynlong ia ka Assam Rifles Ex-Servicemen Association (ARESA) Conclave banyngkong eh ha nongbah Shillong, Meghalaya ha ka 11 Iaiong 2025 kaba long umawmer ba kongsan ha ka jingpynkhlain ia ka jingiadei hapdeng ka kynhun shipai bad ki shipaiba la shongthait jong ka.
Ka jingialang ka thmu ban pynbhaia ka jingiatreilang, ban ioh ia ki jingai jingmut katkum ka jingiadei, ban kyntiew ia ka jingkitkhlieh bad ka jingtreikam jong ka ARESA, da kaba buh jingmut nyngkong eh ia ka bha ka miat jong ka AR ESM bad kiba haiingjong ki.
Ïa kane ka jingïalang la pynïaid da u Lt Gen VikasLakhera, AVSM, SM, Director General jong ka Assam Rifles, uba la ai burom ïa ki jingnoh synniang jong ki shipai barim bad pynpaw ïa ka bynta ba kongsan ba la leh da ki shipaibarim jong ka Assam Rifles ha kaba pynneh pynsah ïa ka jinglong ba janai bad ka jingshngaiñ jong ka ri.
Ha ka jingkren ba kongsan jong u, u la ban jur ïa ka jingdonkam ban bteng ïa ka jingïatreilang bad ki sienjam na ka bynta ka bha ka miat jong ki shipaiba la shongthait. Ha kane ka jingialang kila ia kren ia ki bynta kiba ia dei bad ki shipai bala shong thiat.
Ka Jingpynphriang ia ki jingtip – Ban pynpaw ia ki jingtip kiba iadei bad ka mariang, ai ia ki jingtip ba bniah shaphang ki jingmyntoi/jingiarap kiba dang ai bad pyntip sha ki nongshim bynta shaphang ki mat & kijingiakrenjong ka Agenda 2024-25 jong ka AGBM.
Ki bynta jong ka seng & ka jingtreikam – Ban pyniia ka seng kaba dang don, ka jingtreikam jong ka bad ban iakren ia ki lad ban kyntiew ia ka jingpynpoiia ki kam bad ban pyniasoh bad ka AR ESM bad kikhun ki kti.
Ki jingeh – Ban wanrah bad iakren ia ki jingeh kiba don mynta bad ki lad ki lynti ban pynduna. Ki bynta bapher bapher – Ban iakren bad pyrkhat sani bha ia ki mat bapher bapher, ban lum ia ki jingmut bad pyntreikam katkum ka jingdonkam na ka bynta ka jingmyntoi jong ka AR ESM bad kikhun ki kti.
Haba ai jingkren ha katei ka jingïalang, u Director jong ka ARESA, u la ong “Kane ka jingïalang ka long ka jingpynshishaïa ka mynsiem bad jingaitilut jong ngi. Ka long kaba ai mynsiem ban ïohi ba ki shipaijong ngi ki shah ithuh bad iohjingkyrshan ha kum kane ka rukom kaba don jingmut.”
Ka Assam Rifles ka iai bteng ban burom ia ka jingshakri jong ki shipai ba la shongthait jong ka bad ka khmih lynti ban pynlong ia ki jingialang kiban wan ha kylleng ki bynta jong ka ri ban pynthikna ka jingpynpoi bad jingkynthup lang ia baroh.
