Shillong, Risaw 07:U Under Secretary jong ka tand Meghalaya, Excise, Registration, Taxation & Stamps Department u la pyntip paidbah ba ia ki kyndon kiba ia dei bad ka ‘Meghalaya Compulsory Registration of Marriages Rules, 2015’ la pynmih ia ka jingpynbna sorkar ha ka san tarik mynta u bnai.
Katkum ki kyndon jong kane ka ain la thung ruh ia ki registrars hapoh jong ka East bad West Khasi Hills Districts, East bad West Jaintia Hills Districts, Ri Bhoi District, East bad West Garo Hills Districts bad Mairang, Sohra Civil Sub-Divisions. Ha ki District bad Civil Sub Division kiba dang sah yn sa pynmih ha dien.
Katkum kane ka kyndon kaba la mih kino kino kiba iathong shong kurim ha dien ka san tarik mynta u bnai ki hap ban leit ban shim ia ka phom ha ka dir 10 tyngka na ki ophisar kiba la thung bad ka dur jong ki hapoh ka 60 sngi naduh ka sngi ba ki iathoh shong kurim, ka ain kam shym khang wat ia kito kiba la ia shong kurim shuwa katei ka traik ruh bakin register.
Ha dien ba la dep ban pyndap ia kane ka phom u ophisar ba dei peit un ai ha ki shijur ia ka certificate iathoh shong kurim bad lada kim leh ia kane kim sah pynshitom da kaba dain kuna shi spah tyngka man u bnai bad lada ka dang don ka jingpynslem kam kiew wat kan poi ruh shaduh ka shihajar tyngka ha ka shibnai. Ia ki jingtip ba kham bniah lah ban kylli na ki ophisar ha ki District ong ka khubor sorkar.
