Shillong, Naitung 26: U Commissioner bad Secretary ba dei peit ia ka tnad pynroi nongkyndong mynta ka sngi la pyntip ba ka sorkar kala pynmih ia ka jingpynbna sorkar ia ki shnong kiba hap hapoh jong ka Mawlai C&RD Block bad kiba hap hapoh jong ka Mawpat C&RD Block ia kiba la plie da u myntri rangbah ka jylla u Dr Mukul Sangma.
Katkum kane ka jingpynmih ka sorkar ia ka jingpynbna sorkar kaba mynta ka sngi ka Mawlai C&RD Block ki don 26 tylli ki shnong bad kita ki long ka,Mawiong Umjapung, Mawiong Rim, Mawlai Umthlong, Mawlai Umjajew, Mawlai Nongkwar, Mawlai Iewrynghep, Mawlai Nonglum, Mawlai Motsyiar, Mawlai Syllaikariah, Mawlai Umjaiur, Mawlai Nongpdeng, Mawlai Phudmuri, Mawlai Datbaki, Mawlai Kyntonmassar, Mawlai Mawroh, Mawlai Mawtawar, Mawlai Nongkohlew, Mawlai Umsaw Mawjynrong, Mawlai Mawsiatkhnam, Mawlai Umrynjah, Mawlai Umphrew, Mawlai Madan Mawkhar, Mawlai Mawkynroh and Mawlai Umshing.
Katba ki shnong kiba hap hapoh jong ka Mawpat C&RD Block ki don 30 tylli bad kita ki shnong ki long ka, Mawpat (CT), Pynthorbah, Pynthorumkhrah Golflink, Lumshyiap, Nongmynsong (CT), Langkyrding Mihngi, Madan Saisiej, Umroh, Mawlong, Mawkasiang, Mawdiangdiang, Diengiong, Ishyrwat, Umpling (CT), Nongrah, Lapalang, Rynjah, Nongshilliang, Lumiablot, Pohkseh, Lumbatngen, Nongrim Hills, Demthring, Nongkhyriem, Lawjynriew, Lumsohphoh, Lumdiengsoh, Lumpyngngad, Wahdienglieng and Risa Colony.
Na ka liang jong u Comissioner bad Secretary jong ka tnad pynroi nongkyndong u la ong ba da kane ka jingpynmih ia kane ka jingpynbna sorkar mynta ka sngi, kitei ki shnong kiba la kdew haneng kin nym hap shuh ha ka block kaba rim kaba ki don mynshuwa mynta kin hap noh hapoh ka jingpeit jong kitei ki block kiba thymmai kumba la pynmih ha ka jingpynbna sorkar.
