Shillong,Rymphang 09: Ki pulit jong ka Laitumkhrah Police Station kiba tohkit ha kaba ia dei bad ka jingiadie iathied kynthei na ka bynta ki kam awaria ha kaba ia dei bad ka khynnah kaba dang 14 snem mynta ka sngi kila pynngat “Chargesheet” ia u Bah Juluis Kitbok Dorphang 52 snem MLA jong ka Mawhati bad san ngut kiwei kiba la kynnoh ba ki ia don kti ha kane ka kam kahii met.
Ia kane ka case la register hapoh jong ka Laitumkhrah police station bad ka case number 239(12)16 ha kaba ka khynnah ba dang 14 snem kala shah die ha kane ka kam awaria ha ka quest house kaba don ha Motinagar, Shillong.
U Investigation Officer jong kane ka case u inspector M N Khan, u officer ba dei peit ia ka Laitumkhrah Police Station u la pynngad ia ku Bah Julius Kitbok Dorphang bad san ngut kiwei kiba la shah kem ia kiba la kynnoh ba ki ia don kti ha kane ka kam khaii met bad ia kane ka case la ai hapoh jong ka iing bishar mynta ka sngi hapoh jong ka iing bishar ba la buh kyrpang hapoh jong ka POCSO, Shillong Court. Hapoh kine ki kundon, 5(C)/(I)/6 POCSO Act ba u la shongkurim ia kane ka khynnah palat ia ka ar sien kahmtam eh da u nongmih khmat paidbah.
Katba ia ka Monami Parbin 27 snem, ka kong Darsisha Mary Kharbamon 22 snem bad ka kong Monalisa Shangpliang 22 snem la pynngat ia ki hapoh ka kyndon 366A IPC R/w section 77 juvenile justice Act, R/w Section 5 I.T.P Act, R/w Section 17 POCSO Act namar dei ma ki kiba la ialam ia kane ka khynnah ban ia hap ha kane ka kam awaria ia kine ruh la pynngat hapoh jong ka POCSO Act.
Katba ia u Sandeep Biswa 27 snem, ia u Bah Elbert Shemphrang Kharlukhi 31 snem la pynngat ia ki ha ka kyndon kaba 17 jong ka POCSO Act. Haba ia dei bad kane ka kam ki pulit kila tohkit na ki sawphew ar ngut ki briew ha kaba ia dei bad kane ka kam, ia ki sabut ki pulit kin dang ai shuh shuh sha ka iing bishar yn da kila ioh shuh shuh ha kaba ia dei bad kane ka kam khaii met.