shillong, Nailar 07: Na ka bynta Ka Inter School District Level Coaching Cum Demonstration in Judo Discipline kaba nang iaid shaphrang ha kiwei na ki 10 districts ka jylla Meghalaya ki bym pat dep, ia ka judo camp kaba la pynbeit ban long ha Tura naduh kane ka taiew la pynsangeh noh shwa na ka daw kiwei pat ki program jong ki khun samla ka jylla kaba long ha Tura hi. Ia ka tarik bad por kaba thymmai yn sa pynbeit bad pyntip sha baroh da Ka O/O District Sports Officer Tura.
kumta ki bor pyniaid skul, samla pule skul bad college, ki khun samla bad kiwei de kiba kwah ban shah hikai ha kane Ka Free Demo cum Coaching Camp ha ka jingialehkai martial arts judo ki lah ban wad jingtip bniah na Ka O/O DSO Tura lane na ki nongkitkam jong Ka Tura Judo Association. Ki nongkitkam ba thymmai Ka Tura Judo Association ki long U G C Momin kum u President, U L C Momin Vice President (94361 – 12436), U B Paul (94361 – 12046) General Secretary, U G D Marak Joint Secretary –cum – Accountant, U Arabinda Sangma – Treasurer bad U Pradip D. Sangma kum u Organising Secretary.
Ki Executive Members ki long baroh 8 ngut bad ki dei U Aisenhower K Sangma, U Sylbester Sangma, U Greden M Marak, U Sonjoy D Sangma, U Surith Sangma, U Kaljam A Sangma bad U Bah Aldo R Khakongor. U District Sports Officer, Tura la jied ia u kum U Ex-Officio Member jong Ka Tura Judo Association. Kum kine ki juh la dep pynlong ha Nongstoin, Mawkyrwat, Resubelpara, Bagmara bad Williamnagar.
Na ka bynta kiwei pat ki district, ki bor pyniaid skul, samla pule skul bad college, ki khun samla bad kiwei de kiba kwah ban shah hikai ha ka jingialehkai martial arts judo kum ka jingialehkai sports ki lah ban ai kyrteng lypa ha Ka O/O District Sports Office ha ki district jong phi lane phi lah ban phone ha kine ki no 87946 – 40973 bad 98630 -43125. Phiu lah ruh ban email ha meghalayajudo@gmail.com. Na ka bynta State Level Judo C’ship ia kaba yn pynlong ha Shillong hi, yn sa pynlong ynda la dep lut ki judo camp ha baroh ki 10 District laitnoh ka East Khasi Hills.(SP News)
