Shillong Jylliew 21: Ia ka ‘3rd International Day of Yoga 2017’ la rakhe ha kane ka nongbah Shillong mynta ka sngi ia kaba la pynlong da ka Nehru Yuva Kendra, Shillong, jong ka sorkar pdeng bad ka jingiatreilang bad ka Art of Living Foundation, Meghalaya, ia kane la pynlong ha Assam Kristi Kendra, Stoneyland, Dhankheti Shillong.
Ia kane ka jingrakhe la pynlong kat kum ki kyndon kiba la buh da ka Ministry jong ka AYUSH, jong ka sorkar pdeng ha kaba la don lang u Dr. B.D.R.Tiwari u ba la plie ia kane ka jingrakhe ia ka Yoga, Secretary, Planning department u Manash Choudhury, bad u Dr. Salam D.Singh myntri ba rim bad u District Youth Coordinator.
Ia kane ka Yoga la sdang ha ka por 7 baje mynstep ha kaba la pyni ia ka dur jong u myntri rangbah duh jong ka Ri u Narendra Modi bad la pynsngap ruh ia ka jingkren ka jong u baroh ki nongiashim bynta ki don palat ia ka 300 ngut. Ia kane ka jingleh burom ia ka Yoga la kyrshan da ka Yes Bank, Life Insurance Corporation of India, Seva Bharati, Matri Sngaha, Rynjah.
Ka Regimental centre ruh kala ruh kala rakhe ia kane ka sngi burom jong ka Yoga ha Assam Regimental Centre, Happy Valley, Shillong ha kaba palat 100 ngut ki ophisar kila ia shim bynta, 800 ngut ki shipai bad 150 ngut ki dkhot jong ka NCC u Major General S K Dutta, Officiating General Officer Commanding, 101 Area u la long u shah khot kyrpang ha kane ka sngi.
Na ka liang jong ka NCC Directorate, North Eastern Region, kala rakhe ia kane ka sngi ha kaba palat ia ka 37000 ki NCC cadets kila ia shim bynta ha ki 254 ki jaka ba la pynbeit ha ka dong shatei lam mih ngi baroh kawei, la kyntu ia baroh ki dkhot jong ka NCC ba kin ia shim bynta ha ka Yoga ha ka jingim kaba man ka sngi.
