Shillong Kyllalyngkot 21: Ia kane ka jingdap 45 snem jong ka jingioh jylla ba pule la rakhe mynta ka sngi ha ki bynta bapher bapher jong ka Ri Lum Khasi, ha Jowai la rakhe ia kane ka sngi ha District Library Auditorium, Mynthong, Jowai,ha kaba u Parliamentary Secretary, ka sorkar Meghalaya u Bah R.Syngkon, u la long u kongsan, ha kaba la ia don lang ruh bun ki heh sorkar jong ka District.
Ha kane ka sngi la pynlait paidbah ruh ia ka skhim Ri Sniang ia kaba la ker kyrteng “Walang” ia kaba la leh da ka tnad Animal Husbandry & Veterinary Department, jong ka West Jaintia Hills District ryngkat bad ka skhim MGNREGA, hapoh jong ka Laskein C& RD Block. Ha kane ka sngi la sam ruh ia ki skhim sha ki 52 ngut ki nongioh ia kane ka skhim.
Ha Nongpoh, ia ka jingrakhe ia kane ka sngi la pyniaid da u Deputy Commissioner, Ri Bhoi District u C.P Gotmare IAS kum u kongsan ha ryngkat ka jingiadon lang jong ki heh sorkar na ka District. Ha ka jingkren jong u DC ka Ri Bhoi District u la ong ba ka jylla Meghalaya ha kine ki 45 snem kiba la leit noh kala kiew ha kiba bun ki liang ban ia nujor bad kip or kiba mynshuwa.
Ha Amlarem, ia kane ka sngi la rakhe ha Enowel Hall ha kaba u SDO jong ka Sun Division ha kaba ka kong. I. Laloo, SDO (C), Amlarem, bad ki heh sorkar kila ia don lang ha kane ka sngi, ha ryngkat ka jingiadon lang ki nongkit kam shong bad ki paidbah kane ka thain.
