Shillong, Nailar 21: Ha dien ba ka tand Public Health Engineering (PHE) jong ka sorkar jylla kala ai ia ka jingujor sha ki pulit bad ka Ranikor police station, naka liang jong u OC u la bthah ia u oc jong ka Borsora poice out post ban tohkit ia kane ka jingujor jong ka tand PHE.
Halor kane ka jingujor jong ka tand sam um jong ka sorkar ki pulit jong ka Borsora kila sdang ban tohkit bad kila lah ban ioh biang ia ki pipe um jong ka PHE kiba la ot lyngkhot lyngkhot bad ia kine ki pile kiba la ioh la buh hapoh jong ka Ranikor Police Station bad ki pulit mynta kila register ia ka mukotduma.
Na ka FIR kumba ka paw, laba la ujor da u Junior Engineer (PHE) RWS, la ong ba kine ki pipe la mang n aka bynta ban ring um dih sha ki ar tylli ki shnong na Chimasora sha Maheskhola kiba hap hapoh jong ka South West KHasi Hills District, la don bat uh ha ka 25 tarik jong u bnai Jymmang.
Haba la leit ban jurip la lap ba 22 tylli ki pipe um kiba heh 65 mm diameters kila jah na katei ka jaka, wat la ki pulit kila ioh ban tam biang ia ki pipe ba jah hynrei haduh mynta kim pat lah ban lap ksai mano ban don kti ha kaba tuh ia kine ki pipe wat la ki paidbah kila dep ban ujor.
