Shillong, Jymmang 16: Ka election committee jong ka Khasi Students’ Union ka pynbna ba kan sa pynlong ia ka jingjied ia ki nongkitkam bathymmai ka KSU Nongstoin Circle na ka bynta ka samoi treikam 2018 haduh u 2021.
Ka committee ka pyntip ruh ba ia ka jingjied ia kine ki nongkitkam yn pynlong ha ka 26 tarik u Jymmang 2018 hapoh NSSS Hall, Nongstoin naduh ka por 10 baje mynstep haduh 3 baje nohphai sngi.La ka jingpynbna ia ki nongkitkam kiba shah jied yn pyntip ha kane kajuh ka sngi bad ka jaka.
Ha kaba iadei bad ki nomination phom lah ban ioh na ka ophis treikam ka KSU West Khasi Hills District Unit naduh ka 17 tarik u Jymmang 2018. Ka sngi ba khatduh ban pynpoi ia ka nomination form ka long ha ka 21 tarik Jymmang 2018 shwa ka 5 baje nohphai sngi.
Ka sngi ban pyniaid ia ka jingpynshisha kan long ha ka 23 tarik Jymmang 2018 ka ban sdang ha ka por 1 baje nohphai sngi.
