Shillong, Iaiong 08: Ki paidbah nongshong shnong jong ka jylla Meghalaya kiba la don ia ka hok ban vote la shai ka sngi kin jied ar ngut ki MP ban phah ia ki sha Lok Sabha, u wei na 1-Shillong Parliamentary seat bad u wei na ka 2-Tura Parliamentary Seat.
Na ka liang jong ki bor sorkar kila dep ban pynbiang na dong shadong ban peit ba ka election la shai ka sngi kan long kaba iaid beit iaid ryntih, na ka liang jong ki bor pahra ruh kila pyrkhing bha ha baroh ki jaka thep vote.
Ki polling ophisar kila poi lut mynta ka sngi sha baroh ki polling station ha ka jylla bad ka jingpynkhreh kala iaid beit haduh mynta.
Na ka liang jong ki bor ba dei peit ia ka elelction ha kane ka jylla ki kyntu ia ki paidbah bakin mih sha khmat ban thep ia ka vote ka jong ki kaba ka long kaba kor dor.
Ha kane ka nongbah Shillong la iohi ba ha jan man ki polling station na ka liang jong ki polling ophisar kila tah ia ki poster ban pynshlur ia ki paidbah ba kin wan sha khmat ban thep ia ka vote ka jong ki.(SP News)
