Shillong, Nailar 17: U Director ka tnad ka koit ka khiah u Dr Aman War u la iathuh ba mynta ka sngi 44 ngut ki briew ki ba la test COVID-19 positive ha East Khasi Hills District 40 ngut, ha East Jaintia Hills District 1 bad West Garo Hills District 3 ngut.
U Dr War u la iathuh ba ha East Khasi Hills District ki ba la test COVID-19 positive ki long 40 ngut mynta Ka sngi uwei u dei u Shipai BSF, uwei u dei u High risk contact jong u ba ioh positive bad 38 ngut ki dei ki riew paidbah ki ba na Rilbong. Ha West Garo Hill 3 ngut ki dei ki riewpaibah na Titkrikilla bad na East Jaintia Hills District u nongniah kali.
Ha ba batai ia ki 38 ngut ki ba la test COVID-19 positive na Rilbong mynta ka sngi u Dr War u la iathuh ba ia kine 38 ngut lap lyngba ka jingleh ia ka jingtest naphang hadien ba la test COVID-19 positive ia ki 2 ngut shi kurim ki ba sah ha Rilbong.
U Dr War u la iathuh ruh ba ki ba ki 38 ngut ki ba la test COVID-19 positive mynta Ka sngi ki bun ki dei ki ba bylla ingbriew, ki ba dei jhur ha iew bad ki ba leit bylla ha ki dukan die jain bad bylla shna ing .
Kiba shitom baroh ki long 733 ngut, ha East Khasi Hills District 423, ha Ri Bhoi District 100 , ha West Khasi Hills District 3 , ha South West Khasi Hill District uwei, ha West Jaintia Hills District 4, ha East Jaintia Hills District 5 ha West Garo Hills District 184 , ha South Garo Hills District 2 , ha North Garo Hills District 8 bad ha South West Garo Hill District 3.
Ki briew ki ba la koit ki long 679 ngut haduh mynta, Ki nongmuna ki ba ladep ban phah test ki long 43,872 tylli ki ba long negative ki long 42137 tylli bad ki result ki ba dang ap ki long 315 tylli. U Dr War u la pynsngew ba kam long kaba shngian ban ia mih namar ka jingpur sted kane ka jingpang.
