Jowai, Jylliew 18: Ka Joint Action Committee of Jaintia Hills Organization ( JACJO ) ka ba la snoh kti da ki lai tylli ki seng bhalang kiba kynthup Ka Jaintia Student Movement (JSM) Ka RI Jaintia Youth Federation (RJYF) bad ka Meghalaya People United Front (MPUF) ka pynrem jur jingleh don bor jong ki Pulit Assam man la ka por ia ki Khasi Pnar ba shong ba sah ha ka thain Khappud jong ka West Jaintia Hills.
U secretary jong ka shnong Psiar Ma Bhalang Lamare U secretary jong ka shnong Psiar ha ka 14 tarik mynta u bnai u la ujor sah u nongialam jong ka JACJO ba ki pulit Assam ki la kurup ia ka kali kit maw bad kit shyiap bad ruh ia ki tiar ki tar ba don kam na ka bynta ban tih bad kaba sngew phylla ba kitei ki pulit assam ki la rah ruh ia ka mobile phone jong u Secretary shnong jong ka shnong Psiar.
Ha kaba ia dei bad kane u secretary shnong ka shnong Psiar u Ma Bhalang Lamare u la pyntip ruh sha ka thanad Raliang lyngba ka phone, bad u Officer jong katei ka thanad u la pynlait tang ia ka kali shaktiman, hynrei ki ki wei pat ki tiar khamtam ia ka tei ka mobile phone jong u secretary u ym lah ban pynlait.
Ki briew kiba la shah ktah ha ka tei ka jingjia ryngkat ruh u secretary shnong haba ki la leit shin ia ki tiar jong jong na ka kti jong ki pulit Assam hynrei ki pulit ko la da wa na ki ba ki dei ban siew san hajar tyngka ka wei ka wei ka mar yn sa ai ia ki tiar jong ki hynrei kin ym pyllait. Kane ka buh jingeh haduh katta ia ki nong shong shnong jong ki briew jong ki ba shong ba sah ha katei ka jaka khappud, Ka long kaba ma ruh ha duh katta katta ia kane ka jingleh don bor ki pulit Assam na ka por sha ka por
JACJO Samla Leningstar Rymbai JACJO u nongphah khubor jong ka seng u la pyrshang ban phone sha ki pulit jong ka Meghalaya khamtam ia u ba dei peit ia ka Thanad, Ha raliang hynrei u la ong pynban ba u don sha Guwahati “ka bha ia phi ban ia kynduh ne pyntip sha u SP jong ka West Jaintia Hills”. Ka ne ka lah ban pynduh jing shaniah ia ki paitbah jong katei ka thain.
Ha kaba iadei bad ka ne ka JACJO lyngba ka kyrwoh ba la phah da U Nongai Ktien jong ka Samla Leningstar Rymbai u la kyntu ia U SP .H.G Lyngdoh ba un sngewbha ban shim khia ia kane ka jingjia ba ki tei ki pulit Assam ki la leh, khamtam ba ki dei ban pynphai ia ka mobile phone jong u Ma Bhalang Lamare ba long u Secretary jong ka shnong Psiar bad ia baroh ki tiar ki tar jong ki, khnang ba kin ioh ban pyndon kam.
Khamtam ruh ki tei ki maw bad u shyiap kin pyndonkam na ka bynta ban kin shna ing. Ha ka juh ka por ka JACJO ka la maham lada ka Sorkar Meghalaya lyngba ka Home Department kam lah ban buh Police Outpost ha kitei ki jaka kaba long u pud u sam jong ka Meghalaya ka komiti kam ban se ban shim ia ka rai da ki lad jingiakhih ba tangeh.(SP News)
