Shillong, Rymphang 03: Shi kynta hadien ba u Bah Marshall Marwein u la shah tap im ha u synrum na ka daw jong ka jingtwa u synrum ba lumthup ia ki niut ha Marten, ki bor nongpyniaid kane ka Marten kila iakhun tyngeh ban ioh sei ia ka met jong u, hynrei palat hynriew kynta ruh h ym shym la iohi ia ki dak ki shin ban lap ia ka met jong u.
U Bah Marshall Marwein u dei uba shong basah ha ka shnong Mawiong bad u dei ruh u ba bud ne handymen jong ki kali Municipal bad ha ki por ba u lait, u ju pynlut por ban tam ia ki prek, ki tin jot bad ki bitor ha ryngkat bad la ka lok lem bad u kthaw bad ka kiaw jong u ruh kumjuh.
Na ka liang ki bor pyniaid jong ka Marten naduh ka shi baje noh phai sngi kila sdang ban wad na ka bynta ban ioh sei hynrei ki khlem lap ksai eiei ruh em namar ba u synrum ruh u dei uba kyntn bad namar ka jingjur palat jong ka tdem ka shitom iaki ban iohi namar ba ka ding ruh ka klang bha.
Haba ia kren bad kawei ka long kmie kaba ju ia trei lang kajuh ka kam bad u, kala iathuh ba kane ka jingjia kala jia ha ka por khatar baje mynsngi, bad kala pyntip ruh ba kane ka dei ka sien ba nyngkong ba kum kane ka jingjia ba sngewsih ka jia ha marten bad kala ong ruh dei satang ka nosip lada ioh sei ia ka met jong u mynta ka miet namar ba ka shitom bha ka jaka.
