Shillong, Iaiong 09: Ka Joint Action Commitee jong ka Hima Jirang ryngkat lang ki nongshong shnong ka Hima Jirang ki la ieng pyrshah, halor ka jingkynnoh, synshar donbor jong u syiem u Paiem R.H Wahlang ha kaba iadei bad ki kam hima Sima.
Ka jingpyrshah ia u Syiem, ka long halor ki nongrim ba u khlem khot satia ia ka dorbar hima, ka jingtih ia u lum Murok bad ka jingpom dieng na khlaw hima ha Amkwier kaba peit da ka Hima Jirang.
Ia ka dorbar hima la khot sha ka 6 tarik mynta u bnai ha, hynrei na ka liang jong ka JAC kam pdiang ia kane namar ba ka jingkhot dorbar ka long tang shiliaqng bad kam shym la wanrah ia ka jinghun namar ba ki briew jong ka District kam shym don briew ban long ki nongpeit pyrman khnang ba kin lah ban rah ia ka kaiphot sha ka Executive Committee.
U President ka Joint Action Committee Hima Jirang u Bah Ophnal Thangkhiew u la ong ba ka JACHJ ka la hap ban ieng pyrshah ia u Syiem namar ba u la leh donbor bad pyrshang ban pynlong nongkynti ia ki jaka ka Hima bad u khlem lah ban ai jingkhein jingdiah ia ka jinglut jingsep ka Hima.
U Bah Thangkhiew u la ong ba ki la dep ai jingujor sha ka KHADC bunsien pyrshah ia ka jingleh u Syiem hynrei khlem mih eiei haduh kine ki sngi watla ki la iai ap sah haduh khyndai bnai mynta. Ha kajuh ka por, u General Secretary ka JAC u Bah Mutkansingh Sancley u u la bynrap ba ka KHADC kam shym la leh ei ei kim ban se ban ia kiew ienglieh ingnsaw.
