Shillong, Risaw 07: Ki pulit kila ioh bun ki jingujor na ki paidbah ba ha kine ki sngi ki Taxi kamai ha kane ka nongbah shillong kim treh ban kit ia ki nongleit nongwan wat la ha ka kali ym don briew.
Na ka liang jong ki pulit kila ong ba lada don kum kine ki jingjia ki paidbah ki lah ban pyntip sha ki pulit ha kine ki number No. 0364-2226042 / 0364-2222277 khnang ba ki pulit kin leh ia kaba don kam katkum ka ain.
Haba pyntip sha ki pulit la kyntu ia ki paidbah ruh ba kin da ai jingtip lang ruh ia u number kali jong kata ka Taxi khnang ba ki pulit ba dei peit ia ka kam pyniaid kali kin suk ban pynleh ia kaba don kam katkum ka ain.
