Shillong, Naiwieng 21: Na ka daw jong ka jingdon kane ka election shiteng samoi sha ka Khasi Hills Autonomous District Council na ka liang jong ka sorkar kala pynjari ia ka kyndon 144 CrPC ba la khang pyrshah ia ki kyrtong ba ia khun ia ka election bad kum juh ia ki seng sain pyrthei ba kin nym toh jingthoh haki kynroh bad ki iing kiba dei jong ka sorkar.
Kane ka jingkhang ka long na ka bynta kino kino ki jingtoh ki jingwah ia ki jingthoh ruh, lada dei ha ki iing jong ki briew ruh hap ban da ioh ia ka jingbit na u Returning Officer & District Election, East Khasi Hills District, Shillong. Yn nym shah ban don kano kano ka jiangialang paidbah ban konbas elelction khlem da ioh ia ka jingbit. Ka jingialap election kan long tang naduh hynriew baje mynstep haduh ka por shiphew baje munmiet.
Kane ka jingkhang kan long ia baroh lai tylli ki MDC Constituency ki ban leit sha ka election shiteng samoi ha ka 13 tarik jong u bnai Nohprah bad kito ki long ka 8 Nongkrem, 15 Laban-Mawprem and 22 Nongspung-Sohiong, East Khasi Hills District. Kane ka hukum kan neh haduh ban da kut ka election.
