Shillong, Jylliew 20: Ki nongleit nongwan ha Motphran kila buh ka jingkylli ba balei ka PWD wat la kala siang rong pynbha ha ka surok na duh Mawiong sha duh Khyndaitlad, hynrei ka iehnoh khyndait kumba shimetter ka jaka ha Motphrah khlem pyndep ia ka jingsiang rong ha kaba ka um kala lang kum ka pung Dohkha.
Da ka jingbym pyndep jong ka PWD ia kane ka siang rong namar da ki hajar tylli ki kali ki iaid ha ka shisngi na kane ka surok kane kala wan rang ia ka jingduh ha kane ka jaka ba khlem siang rong. Ki paidbah ki jylla mynta balei ka PWD ka ieh ia kane ka jaka ban siang rong ha kaba ka um kala long kum ka pung dohkha.
Kane ka jaka ba lang um ha Motphran ia kaba ka PWD kam shym la pyndep ia ka jingsiang rong ka dei ka lynti na Motphran ban mih sha Garikhana, ym tang ba ka lang um hynrei kala wan ruh ia ka jingeh ha kaba ki kali ki iaid ka um ka sit sha ki briew kiba iaid lynti.
